كيفية الحصول على اسم فارغ في امونج اس

 

ممكن ظروف إجتماعية أو أسرية تمنعك من التفوق وساعتها محدش هيقدر يلوم عليك لو ماحققتش إنجاز أو نجاح فى دراستك.. بيبقي الوضع أكتر صعوبة شوية لو الظروف دي صحية.. بس ده اللي ماكنش بيمثل أى عائق قدام بطل مصري إسمه "محمد سيد"!. .

"محمد سيد" شاب مصري جميل عنده 18 سنة مصاب بـ الشلل الدماغى.. رغم كده هو متفوق جداً فى دراسته وكان واخد الموضوع تحدي.. اللي هو أنا مفيش حاجة هتمنعني أكمل طريقى فى النجاح.. 

"محمد" بيتعامل على كرسي متحرك.. رغم صعوبة الوضع بس بمساعدة والدته ربنا يحفظها، وأصدقاءه قدر واحدة بواحدة يتعامل بشكل طبيعي.. كان أدبي، وبيذاكر 4 ساعات فى اليوم بمنتهي التركيز لحد ما جاب بفضل ربنا ثم عزيمته 93.5% فى ثانوية عامة!.. 

والدته بتقول فى حوار صحفي معاها فى جريدة "اليوم السابع" إنه أول ما اتولد قالولها ده مش هيعيش عشان عنده شلل دماغي.. كان التصرف اللي عملته إنها قطعت كل التقارير الطبية، وقالت إبني هيعيش وأنا وراه لغاية ما يبقي حاجة!.. كل يوم بقت تتكلم معاه وهو مش بينطق لحد ما عدت أول سنة وبدأ يتفاعل معاها.. راحت تقدم له فى كذا مدرسة خاصة بس للأسف كلهم رفضوه.. فيه مدرسة منهم المدير بتاعها قال لها: (هاتيلي تقرير طبي إن الحالة بتاعته دي مؤقتة وهيخف).. الأم المصرية الجدعة ردت عليه وقالت: (هات لى أنت تقرير طبي إنك هتعيش للسنة الجاية).. 

بسبب إصرارها فيه مدرسة حكومية قبلت "محمد"، وكل سنة كان بيطلع من الأوائل، وكانت والدته معاه خطوة بخطوة فى كل السنين لحد ما جاب المجموع الكبير ده!.. 

"محمد" بيحب نادي الزمالك ونفسه يقابل "شيكابالا"، وكمان بيحب يكتب شعر وخواطر.. والدته بتقول: (محمد هيبقى في يوم من الأيام حاجة كبيرة أوى وأنا واثقة في ده وهو الخير والبركة اللى في بيتنا وعوض ربنا ليا، أنا فرحانة بنجاحه وواثقة إنه هيفرحنى دايماً)..

وإحنا كمان واثقين فى قوة "محمد" وتميزه طول ما عنده الإرادة دي، وطول ما فيه أم عظيمة زي والدته واقفة وراه بمنتهي الجدعنة والصبر.. ربنا يحميك، ويكتبلك كل الخير يا "محمد" ومنتظرين تفوقك فى الكلية برضه إن شاء الله.