ناشدة الدكتورة امل الزعبي المجتمع العربي في الداخل المحتل بالضرورة القصوى لمنع التجمهر خاصة في الاعراس والمناسبات بسبب الحالات المتزايدة بالاصابات بفايروس كورونا .
حيث بلغت الاصابات في الداخل المحتل خلال 24 ساعة ما يزيد عن 4000 اصابة حسب ما ذكر الاعلام الاسرائيلي.
مناشدة من نص قسم الكورونا!!!!
رجاء رجاء لكل حدا واعي وبفهم بمجتمعنا، رجاء لكل حدا بخاف عحاله وعلى عيلته، تعالو نكون ايد وحدة ونوقف انتشار الكورونا بمجتمعنا...
الحالات الصعبة بالمستشفى عم تزيد، كل يوم وكل ساعة مريض جديد بتدهور بين ايدينا، مرضى صغار بالعمر، ناس بدون اي مشاكل صحية، ناس بتفوت ماشية عإجريها واسا موصولة بأجهزة تنفس وبأوضاع صعبة جدا....
بديش اقول كل القسم بس اكتر من ٩٠٪ من الموجودين عرب وحرفيا كل حدا وصلته العدوى كان متواجد بعرس او بتجمع... يا ناس بلاش اعراس بلاش مناسبات.. ازا منحب بعض هاي الفترة نبعد عن بعض.. الوضع اخطر بكثير من شو بتتخيلو....
ورجاء كل حدا بعده بقول الكورونا شوية قحة واسهال
يجي يوم واحد ويتفرج عاللي بصير بالمستشفى...
خافو عحالكو
خافو عأهاليكو
خافو عالناس الي بتحبوهن
بكفي استهتار
رجاء التزمو بالتعليمات
تعليقات
إرسال تعليق