نصائح مهمة لطلاب التوجيهي من طالب جرب ٣٠ تخصص و٤٠ جامعه
١. لاتدخل تخصص فقط لأنه معدلك سمحلك تدخله شوف ميولك وين وروح بأتجاهها
٢. ركز على نقطة ٩
٣. لا تكون طفولي وتحمل اهلك فوق طاقتهم وما في داعي تداوم كل يوم بلبسه شكل
٤. الإرتباط مش متطلب إجباري
٥. إنتقي أصدقائك بشكل جيد "صحبة الجامعه ما بتدوم"
٦. معدلك مهم الي بحكيلك المعدل ما دخله بالدراسه لا تصدقه.. حاول ارفع معدلك من اول سنه
٧. اذا تخصصك علمي حاول ما تطنش محاضرات لأنه في مواد اذا ما فهمتها بتروح عليك
٨. لا تحاول تعمل حالك نهفة بالمحاضرة رح تتبهدل
٩. حركات لو سمحتي بدي اصور دفترك سيبك منها مكشوفه جيل ال٩٠ ما عملها
١٠. لا تحاول تلفت إنتباه اي بنت لأنها رح تبزق عوجهك.
١١. لا تتعود على الإسقاط نصيحة
١٢. عادي لو ضليتي تحكي بلهجتك ما في داعي تتضامني مع لبنان
١٣. لا تحاول تنكس دكتورك نصيحه
١٤. كن بسيطا تكن جميلاً
١٥. نوع تلفونك وسيارتك ما بحدد شخصيتك.
١٦. مش كل طالبة قالت الك شكرا او يعطيك العافيه يعني بتحبك
١٧. صلِّ، شيء جميل تتذكر صلاتك وإنت بالجامعه
١٨. لا تتصنع لا تتصنع لا تتصنع
١٩. عشان تنجح بدك وسيلتين
أ) ادرس
ب) واسطه
٢٠. دير بالك من العنصريه ولا تخليها تجرك وتغير شخصيتك
٢١. ارفع معدلك
٢٢. اذا ما قدرت تطبق نقطة ٣٠ حاول إرفع بنطلونك
٢٣. لا تقول لحدا انك برشلوني نصيحه
٢٤. حاول تذكري نقطة ١٢
وبالتوفيق للجميع
تعليقات
إرسال تعليق