قصة حدثت في الخليل انقلها لكم
اليوم الصبح نزلت على باب الزاوية، بدي اشتري دواء من الصيدلية، المهم في واحد حاطط بسطة ببيع عليها موز، واحد شب واقف معه ابنو عمره يمكن عشر سنوات، بقول لابوه أشتري لنا موز، الك من قبل العيد ما جبت النا موز، وقلتلنا ع العيد بدك تجيب، وتحججت انه ما في في السوق، هيو موجود أشتريلنا...
انا واقف وراهم واسمعت الحكي، صدقا بدون قصد، والراجل شكله محترم كتير ونفسه عزيزة، رد على ابنه شوي بس حد يسأل اديش الكيلو عشان اشوف بكفو المصاري يلي معي....
عديت عنه اقسم بالله شكل عيونه بدهم يتفجروا من الدمع، رحت على تبع البسطة، وحكيتلو القصة، وقلتلو اعطيه وانا بحسابك من غير ما يعرف صاحب البسطة، طلع أكرم مني بكتير، صار ينادي الموز بشيكل...
بطلع على الزلمة وجهو تغير واجى على البسطة بسرعة، ماسك بايدو ثلاث شيقل، قال حط لي رطل بكل ثقة...
بائع البسطة حطلو بالثلاث شيقل ٦ كيلو...
أقسم بالله هذا صار قدامي، فعلا واقع مؤلم جدا جدا الله يفرجها يارب على كل انسان محتاج...
تعليقات
إرسال تعليق