بالنسبة الي أنا مروان الحلالمة أخصائي جراحة الأنف والأذن والحنجرة في وزارة الصحة، ومطلع جداً على ما يدور في المستشفيات وفي الأردن والعالم. أعتبر أنه فايروس كورونا دخل الأردن بتاريخ ٢٠٢٠/٩/١ - علما بأنه إمتداد للموجة الأولى وليست الموجة الثانية اللي متوقع ان تدخل بفصل الخريف والشتاء- ودخلت في أسوء نوع من أنواعها والقادم أخطر! والأن بنشاهد مرضى في الثلاثين من العمر وفي الأربعين والخمسين غير مدخنين ولا يوجد عندهم أمراض مزمنة، وصحتهم ممتازة جداً قبل الإصابة بفايروس كورونا؛ وحاليا وخلال كتابتي لهذا البوست تم وضعهم على جهاز تنفس صناعي وتم عمل غسيل كلى الهم، وانزيمات الكبد مرتفعة عندهم يعني: فشل رئوي وكلوي وفشل بالكبد وعلى جهاز تنفس صناعي وامورهم حرجة وخطيرة جداً جداً جداً، والله يحميهم ويقومهم على حال السلامة ويردهم لأهلم ولولادهم سالمين غانمين، علمأ اني غير متفائل!
أقسم بالله من أول يوم كورونا بالأردن وأنا ما نزلت الكمامة عن وجهي ولا راح أنزلها وما "بوست" ولا حدا ولا سلمت على حدا إلا عن بعد وخففت التجمعات تماماً. والله والله والله رايح بخاطري أبوس أبوي وأمي الي نزلتهم من أسبوعين من مكان سكنهم في عمان للكرك تجنباً للإختلاط معهم وتقليل احتكاكهم مع الأقارب والجيران لأنه الأمور مخيفه ومخيفه جدأ ويجب الحذر الشديد.
للأسف راح أطلع عن "إحترامي وتربايتي" واحكي للمشككين بوجود كورونا وجماعة نظرية المؤامرة لو انكم "زلم" وفي شوارب بوجهكم وعندكم نوعاً ما فهم تعالوا أدخلكم عالمرضى في مستشفى حمزة و ورجونا مراجلكم وفهمكم.
بالنهاية.. أتمنى السلامة للجميع وأتمنى الحذر من الجميع إذا مش مشانك مشان أبوك وأمك وأخوك وأختك وابنك وبنتك وزوجتك ومجتمعك كامل.
تعليقات
إرسال تعليق